- ອີງຕາມ ກົດໝາຍວ່າດ້ວຍຫຼັກຊັບ (ສະບັບປັບປຸງ) ສະບັບເລກທີ 79/ສພຊ ລົງ​ວັນ​ທີ 3 ທັນວາ 2019;

- ອີງຕາມ ຂໍ້ຕົກລົງວ່າດ້ວຍການຮັບຮອງບໍລິສັດປະເມີນມູນຄ່າຊັບສິນ (ສະບັບປັບປຸງ) ສະບັບເລກທີ 10/ຄຄຊ ລົງວັນທີ 22 ມິຖຸນາ 2022.

ເງື່ອນໄຂການຮັບຮອງບໍລິສັດປະເມີນມູນຄ່າຊັບສິນ

-     ການຮັບຮອງບໍລິສັດປະເມີນມູນຄ່າຊັບສິນ ຕ້ອງມີເງື່ອນໄຂ ດັ່ງນີ້:

1.    ມີທຶນຈົດທະບຽນຕໍ່າສຸດ ຫ້າຮ້ອຍລ້ານກີບ;

2.    ການກໍານົດຊື່ຂອງບໍລິສັດຕ້ອງມີຄໍາວ່າ “ປະເມີນມູນຄ່າຊັບສິນ”;

3.    ມີຄະນະອໍານວຍການທີ່ມີໃບປະກາດສະນີຍະບັດຈົບສາຂາ ການປະເມີນມູນຄ່າຊັບສິນ, ການບັນຊີ, ການເງິນ ຫຼື ສາຂາອື່ນທີ່ກ່ຽວຂ້ອງ;

4.    ເປັນບໍລິສັດປະເມີນມູນຄ່າຊັບສິນ ຈາກພາຍໃນ ຫຼື ບໍລິສັດປະເມີນມູນຄ່າຊັບສິນ ຈາກຕ່າງປະ ເທດ ທີ່ນອນຢູ່ໃນບັນຊີລາຍຊື່ຂອງປະເທດທີ່ເປັນສະມາຊິກຂອງ ອົງການຄຸ້ມຄອງວຽກງານຫຼັກຊັບສາກົນ (Intrenational Organization of Securities Commission ຂຽນຫຍໍ້ IOSCO) ຫຼື ຂອງປະເທດທີ່ມີສາຍພົວພັນຮ່ວມມື ໂດຍການເຊັນບົດບັນທຶກຄວາມເຂົ້າໃຈຮ່ວມກັບ ອົງການຄຸ້ມຄອງວຽກງານຫຼັກຊັບຂອງ ສປປ ລາວ;

5.    ມີຊື່ສຽງ ແລະ ປະສົບການໃນການປະເມີນມູນຄ່າຊັບສິນ;

6.    ມີລະບົບການຄຸ້ມຄອງບໍລິຫານພາຍໃນທີ່ຮັບປະກັນ;

7. ມີຜູ້ປະເມີນມູນຄ່າຊັບສິນຢ່າງໜ້ອຍ 2 ຄົນ ທີ່ມີໃບຢັ້ງຢືນນັກວິຊາຊີບຜູ້ປະເມີນມູນຄ່າຊັບສິນ ຈາກອົງການຄຸ້ມຄອງວຽກງານຫຼັກຊັບ ແລະ ສະມາຄົມປະເມີນມູນຄ່າຊັບສິນທີ່ກ່ຽວຂ້ອງຈາກ ພາຍໃນ ຫຼື ຕ່າງປະເທດ;

8. ມີຖານະການເງິນດີ ຫຼື ການດໍາເນີນທຸລະກິດ ຕ້ອງມີກໍາໄລ 1 ປີຄືນຫຼັງ ກ່ອນການຍື່ນເອກະສານປະກອບການຂໍຮັບຮອງການໃຫ້ບໍລິການປະເມີນມູນຄ່າຊັບສິນຕໍ່ ສໍານັກງານຄະນະກໍາມະການຄຸ້ມຄອງຫຼັກຊັບ ຍົກເວັ້ນບໍລິສັດປະເມີນມູນຄ່າຊັບສິນທີ່ສ້າງຕັ້ງຂຶ້ນໃໝ່;

9. ເງື່ອນໄຂອື່ນ ຕາມການກໍານົດຂອງ ສໍານັກງານຄະນະກໍາມະການຄຸ້ມຄອງຫຼັກຊັບ.