ເງືື່ອນໄຂການຂໍອະນຸຍາດຮັບຮອງເປັນບໍລິສັດຈັດລໍາດັບຄວາມໜ້າເຊື່ອຖື

-     ການຮັບຮອງເປັນບໍລິສັດຈັດລໍາດັບຄວາມໜ້າເຊື່ອຖື ຕ້ອງມີເງື່ອນໄຂ ດັ່ງນີ້:

1. ເປັນບໍລິສັດຈັດລໍາດັບຄວາມໜ້າເຊື່ອຖືສາກົນ ​ ຫຼື ເປັນບໍລິສັດຈັດລໍາດັບຄວາມໜ້າເຊື່ອຖື ທີ່ນອນຢູ່ໃນບັນຊີລາຍຊື່ຂອງປະ​ເທດ​ທີ່​ເປັນ​ສະມາຊິກ​ຂອງ ອົົງການຄຸ້ມຄອງວຽກງານຫຼັກຊັບສາກົນ (IOSCO) ຫຼື ຂອງ​ປະ​ເທດທີ່ມີສາຍພົວພັນຮ່ວມມື ໂດຍການເຊັນບົດບັນທຶກຄວາມເຂົ້າໃຈຮ່ວມກັບ ອົງການຄຸ້ມຄອງວຽກງານຫຼັກຊັບຂອງ ສປປ ລາວ (ກໍລະນີ ເປັນບໍລິສັດຈັດລໍາດັບຄວາມໜ້າເຊື່ອຖືຈາກຕ່າງປະເທດ);

2.   ມີລະບົບການຄຸ້ມຄອງບໍລິຫານພາຍໃນທີ່ຮັບປະກັນ;

3. ມີຜູ້ຮັບຜິດຊອບຈັດລໍາດັບຄວາມໜ້າເຊື່ອຖື ຢ່າງໜ້ອຍ 2 ຄົນ ທີ່ໄດ້ຮັບໃບຢັ້ງຢືນການຜ່ານຫຼັກສູດທາງດ້ານວິຊາຊີບການເງິນ ແລະ ການລົງທຶນລະດັບສາກົນ (Chartered Financial Analyst: CFA), ໃບຢັ້ງຢືນວິຊາຊີບຈັດລຳດັບຄວາມໜ້າເຊື່ອຖື (Rating professional certificate) ແລະ/ຫຼື ໃບຮັບຮອງເປັນຜູ້ຮັບຜິດຊອບຈັດລໍາດັບຄວາມໜ້າເຊື່ອຖືຈາກ ອົງການຄຸ້ມຄອງວຽກງານຫຼັກຊັບຂອງຕ່າງປະເທດ ພ້ອມທັງມີປະສົບການຈັດລໍາດັບຄວາມໜ້າເຊື່ອຖືໃນຂົງເຂດວຽກງານຫຼັກຊັບ ຢ່າງໜ້ອຍ 2 ປີ;

4.   ມີຖານະການເງິນດີ ຫຼື ການເຄື່ອນໄຫວທຸລະກິດ ຕ້ອງມີກໍາໄລ 1 ປີ ຄືນຫຼັງ ກ່ອນການຍື່ນເອກະ ສານປະກອບການຂໍຮັບຮອງຕໍ່ ສໍານັກງານຄະນະກໍາມະການຄຸ້ມຄອງຫຼັກຊັບ;

5. ເງື່ອນໄຂອື່ນ ຕາມການກໍານົດຂອງ ສໍານັກງານຄະນະກໍາມະການຄຸ້ມຄອງຫຼັກຊັບ.