ວິສາຫະກິດບັນຊີ ແລະ ນັກຊ່ຽວຊານບັນຊີ
ເງື່ອນໄຂການຮັບຮອງວິສາຫະກິດບັນຊີ
ເອກະສານປະກອບການຂໍຮັບຮອງວິສາຫະກິດບັນຊີ
- ຄຳຮ້ອງຕາມແບບພິມຂອງສໍານັກງານ ຄຄຊ;
- ສໍາເນົາໃບອະນຸຍາດໃຫ້ດໍາເນີນ ວິສາຫະກິດບັນຊີຈາກ ກະຊວງການເງິນ;
- ສໍາເນົາໃບຢັ້ງຢືນເປັນນັກຊ່ຽວຊານບັນຊີຂອງ ສະມາຊິກສະພາບໍລິຫານຈາກ ກະຊວງການເງິນ;
- ບັນຊີລາຍຊື່ພະນັກງານວິຊາການດ້ານການບັນຊີ ທີ່ມີໃບຢັ້ງຢືນນັກຊ່ຽວຊານບັນຊີຈາກ ກະຊວງການເງິນພ້ອມດ້ວຍຊີວະປະຫວັດຫຍໍ້ ແລະ ປະສົບການໃນການໃຫ້ບໍລິການດ້ານການບັນຊີຂອງພວກກ່ຽວ;
- ໃບຢັ້ງຢືນຈາກສານປະຊາຊົນບໍ່ໃຫ້ກາຍສາມເດືອນ ເພື່ອຢັ້ງຢືນວ່າ ບໍ່ມີສໍານວນຄະດີກ່ຽວກັບວິສາຫະກິດບັນຊີດັ່ງກ່າວ ຄ້າງຄາຢູ່ສານປະຊາຊົນ;
- ສໍາເນົາໃບທະບຽນວິສາຫະກິດ, ໃບຢັ້ງຢືນປະຈໍາຕົວຜູ້ເສຍອາກອນ ແລະ ກົດລະບຽບຂອງບໍລິສັດ;
- ສໍາເນົາໃບຢັ້ງຢືນການເປັນສະມາຊິກຂອງສະພາວິຊາຊີບນັກບັນຊີ ແລະນັກກວດສອບ;
- ບົດລາຍງານການເຄື່ອນໄຫວທຸລະກິດ ແລະ ເອກະສານລາຍງານການເງິນ 1 ປີຄືນຫຼັງ ກ່ອນປີຍື່ນເອກະສານປະກອບການຂໍຮັບຮອງຕໍ່ ສໍານັກງານ ຄຄຊ ເປັນຕົ້ນໄປ, ຍົກເວັ້ນວິສາຫະກິດບັນຊີ ທີ່ສ້າງຕັ້ງຂື້ນໃໝ່. ເອກະສານລາຍງານການເງິນຕ້ອງຄົບຖ້ວນ ແລະ ຖືກຕ້ອງຕາມທີ່ໄດ້ກໍານົດໄວ້ໃນກົດໝາຍວ່າດ້ວຍການບັນຊີ;
- ແຜນການກ່ຽວກັບການເຄື່ອນໄຫວທຸລະກິດຂອງຕົນຢ່າງລະອຽດ ສາມປີຕໍ່ໜ້າ ພາຍຫຼັງທີ່ໄດ້ຮັບການຮັບຮອງເປັນຕົ້ນໄປ.
ເງື່ອນໄຂການຮັບຮອງນັກຊ່ຽວຊານບັນຊີ
ເອກະສານປະກອບການຂໍຮັບຮອງນັກຊ່ຽວຊານບັນຊີ
- ຄຳຮ້ອງຕາມແບບພິມຂອງສໍານັກງານ ຄຄຊ;
- ສໍາເນົາໃບຢັ້ງຢືນເປັນນັກຊ່ຽວຊານບັນຊີຈາກ ກະຊວງການເງິນ;
- ສໍາເນົາໃບປະການສະນີຍະບັດດ້ານການບັນຊີ ແລະ ດ້ານອື່ນໆທີ່ກ່ຽວຂ້ອງ ເປັນຕົ້ນ ການເງິນ, ການທະນາຄານ, ການບໍລິຫານທຸລະກິດ, ເສດຖະສາດ, ການຕະຫຼາດ, ສະຖິຕິ, ການສື່ສານທາງດ້ານການດໍາເນີນທຸລະກິດ, ລະບົບການຈັດຂໍ້ມູນ-ຂ່າວສານ, ກົດຈັນຍາບັນ ແລະ ກົດໝາຍ (ຖ້າມີ);
- ໃບແຈ້ງໂທດບໍ່ໃຫ້ກາຍສາມເດືອນ;
- ໃບຢັ້ງຢືນທີ່ຢູ່ປັດຈຸບັນ;
- ຊີວະປະຫວັດຫຍໍ້.
ພັນທະທີ່ຈະຕ້ອງປະຕິບັດພາຍຫຼັງໄດ້ຮັບການຮັບຮອງຈາກ ສຄຄຊ ປະກອບມີ 3 ຫົວຂໍ້ຍ່ອຍຄື:
1. ການລາຍງານ
- ກົດໝາຍວ່າດ້ວຍຫຼັກຊັບ ສະບັບເລກທີ 21/ສພຊ, ລົງວັນທີ 10 ທັນວາ 2012 (ມາດຕາ 123 ແລະ 125);
- ລະບຽບການວ່າດ້ວຍການລາຍງານ ສະບັບເລກທີ 373/ສຄລຕ, ລົງວັນທີ 24 ກຸມພາ 2012 (ໝວດທີ III).
2. ການເປີດເຜີຍຂໍ້ມູນ
- ກົດໝາຍວ່າດ້ວຍຫຼັກຊັບ ສະບັບເລກທີ 21/ສພຊ, ລົງວັນທີ 10 ທັນວາ 2012 (ມາດຕາ 124);
- ຂໍ້ຕົກລົງວ່າດ້ວຍລະບຽບການເປີດເຜີຍຂໍ້ມູນ ສະບັບເລກທີ 014/ຄລຕ, ລົງວັນທີ 19 ພຶດສະພາ 2011 ( ໝວດທີ III ).
3. ການເກັບຮັກສາຂໍ້ມູນ
- ກົດໝາຍວ່າດ້ວຍຫຼັກຊັບ ສະບັບເລກທີ 21/ສພຊ, ລົງວັນທີ 10 ທັນວາ 2012 ( ມາດຕາ 126 ).
ແລະ ປະຕິບັດການລາຍງານອື່ນໆຕາມການກໍານົດຂອງ ສໍານັກງານ ຄຄຊ ໃນແຕ່ລະໄລຍະ.